خبير اقتصادي مصري : الحرب قادمة والدولار قد يصل إلى 250 جنيه

الاخبار, خبير اقتصادي مصري : الحرب قادمة والدولار قد يصل إلى 250 جنيه, Aly Abdelaziz , 

اكتر من حد اكدلى خلال الفترة اللى فاتت ان بوستاتى عن توقعات سعر الدولار بتوصل لمسئولين كبار فى البنك المركزى والبنوك ومنهم طارق عامر وبيحاولوا بكل قوة انهم يخالفوا توقعاتى عشان كلامى ميكونش مؤثر لكنهم مش قادرين مرة بسبب الظروف الاقتصادية ومرة بسبب الضغوط السياسية والحقيقة انهم ممكن يخالفوا توقعاتى من حيث التوقيت شوية لكنهم صعب يخالفوا الارقام والمدى الزمنى لانى سابقهم بكتير وتوقعاتى لسعر الدولار من سنتين كانت اصدق من كلامهم وان شاء الله كلامى عن سعر الدولار ل 3 سنين جايين برده اصدق من كلامهم لسبب بسيط هو انهم مستحيل يوصلوا او يقدروا على منهجيتى التحليلية لاختيار متغيرات التحليل او لطريقة دمجها وقياس اوزانها النسبية او لتقدير نسب احتمالاتها او ربطها بمتغيراتها التابعة وقياس التتابع لاكتر من سنة .. وممكن تشوفوا نموذج فى اللينك (1) بتاريخ 6 مارس 2016 واللى اتعرضت برده وقتها لهجوم شرس لما قولت ان الدولار هيتجاوز ال 16 جنيه وكان سعره فى البنوك 7.83 جنيه والبوست ده كمان من يناير 2016 توقعت فيه وصول الدولار ل 16 .. لينك (2)

عموما ده بيفسر جزء من سبب الهجوم على حسابى وعلى بوستاتى وحذف الفيس بوك لبوستين مهمين كان اجمالى الشير فيهم 15000 والكومنتس تقريبا 30000 واللايكس 32000 

البوست ده بتاريخ 5 ابريل 2017 وحذفه الفيس بوك 3 مرات والمرة دى نقلت اللينكات المرفقة كلها فى الكومنت وخليتها مباشرة بدل الshortcut links ونفس الاجراء عملته مع كل البوستات السابقة عشان ميكونش فيه مبرر لحذف البوستات ..

الدولار واخد اتجاه الانخفاض من 3 ايام زى ما توقعت من شهرين ولسه فيه انخفاض أكبر الأيام الجاية .. المهم استعدوا إنكم تشتروا دولار على قد ما تقدروا خلال الفترة الجاية .. الحد الادنى لتأمين أسرة من 4 افراد لمدة من 5 الى7 سنين من 5000 دولار الى 20000 دولار والحد المتوسط من 21000 دولار إلى 50000 دولار واللى يقدر يأمن نفسه باكتر من كده ياريت ومحدش هيخسر أبدا لأن الدولار فى مارس 2019 هيعدى ال 150 جنيه وفى ديسمبر 2019 هيعدى الـ 250 جنيه .. اللى معاه دهب يغيره دولار حسب الحد المناسب ليه .. الاحتفاظ بالدهب بكميات كبيرة للمصريين داخل مصر خطر كبير .. بلاش شرا عربيات دلوقتى خالص ولا أى سلع معمرة .. وبلاش جمعيات الفلوس اللى بين الاصدقاء والقرايب والمعارف .. وبلاش شرا شقق او اراضى فى محافظات المواجهة تحديدا .. اللى مسافر بره يحافظ على اكل عيشه حتى ولو بياكل عيش حاف .. الأسهم والسندات والودايع والشهادات والديون طويلة الأجل والأقساط على الغير كأنك بترمى فلوسك فى البحر”.

تابعوا بوست مهم جدًا قريب الجزء التالت من #استعدوا_للحرب عن الاستعداد المكانى والاحتياجات الاساسية .. وكمان قريب تحليل شامل لسعر الدولار من 2017 الى 2020 ..

دى البوستات اللى توقعتفيها انخفاض الدولار فى ابريل :

بوست بتاريخ 13 فبراير : حذفه الفيس بوك بعد ما وصل لحوالى 5000 شير و9000 لايك وحوالى 8000 كومنت وكان محتواه ” محدش يبيع دولار نهائى .. ومحدش يحتفظ بدهب الا فى اضيق الحدود .. ومحدش يحتفظ بالجنيه الا فى حدود سيولة مصاريفه .. واللى عاوز يشترى دولار ينتظر لشهر ابريل هيكون فيه اقل سعر .. واللى عاوزيبيع الدهب ويشترى دولار معاك فرصة دلوقتى .. النزول الحالى للدولار نزول وهمى مرتبط بزيادة القروض اللى جت واللى هتيجى خلال شهرين ومع بداية استحقاقات اقساط الديون دى وفوايدها هتحصل كوارث .. التجار ورجال الاعمال بيشتروا الدولار دلوقتى بكميات كبيرة وبيخزنوها .. الدولار هياخد ترند الصعود تانى من يونيو الجاى .. حافظوا على شقاكم بالدولار ومش فى البنوك لان العبيط خربها.. مع لينكات مرفقة .. بوست تحليل رئيسى بتاريخ لسعر الدولار بتاريخ 1 نوفمبر 2016 لينك (3) وبوست نموذج للى حافظ على شقاه لينك (4) وبوست ليه الاحتفاظ بالدهب فى اضيق الحدود لينك (5)

بوست بتاريخ 6 مارس : لينك (6)

بوست بتاريخ 20 مارس : لينك (7)

بوست بتاريخ 31 مارس : لينك (8)

بوست بتاريخ 1 ابريل : لينك (9)

بوست تحليل رئيسى من نوفمبر 2016 وحتى ديسمبر 2018 مع ملاحظة ان من يونيو 2018 ارتفاع سعر الدولار هيكون جنونى ومتجه لل 300 جنيه وفعلا هيوصل سعر الدولار الواحد لل 300 مع نهايات 2019 وبدايات 2020 … لينك (10)

تحديث فى 8 ابريل : ليه الدهب فى اضيق الحدود .. اقرا اللى فى اللينك (11) مع ملاحظة انه لو توفر الحد الادنى من الدولار وهتقدر تأمن الدهب وهتقدر تتحرك بيه وقت الازمة او تحتفظ بيه كتأمين للثروة لفترة مش اقل من 7 سنين فمفيش مشكلة.

تحليل الأحداث والأسعار مستقبلا مبنى على استخدام 150 متغير اقتصادى ومالى وعسكرى ونفسى واجتماعى ودولى وتاريخى ومعلومات رسمية معلنة وغير معلنة كل المتغيرات دى عن النظام والمعارضة من النظام ومن خارجه وعن أفراد ومؤسسات ومراكز قوى ودول وأحداث شبيهة بنقاط أوزان لكل متغير ونسب احتمالية أثر لكل متغير ونسب تأثير تفاعل بعض المتغيرات مع بعضها .. كل ده بيتم جمعه داخل SWOT ANALYSIS – STRATEGIC MODEL وده أسلوب بيتم فيه تحليل نقاط القوة والضعف والفرص والتهديدات بالمتغيرات المذكورة بنقاط تأثيرها ونسب احتمالاتها .. الأوزان والنسب بيتغيروا تقريبا بشكل يومى أو أسبوعى او شهرى حسب استقرائى وتحليلى للبيانات والأحداث والأخبار .. لو امكن شرح “مستقبلى أوسع للعملية دى والاساليب التحليلية الداعمة ليها هعملها إن شاء الله.

اللينك 1

اخطر ما قيل عن ازمة الدولار فى مصر … 

ليه الدولار هيتخطى سعر ال16 جنيه خلال شهور قليلة ؟

وليه الاسعار هتزيد عن 300% ؟

بخبرتى الاقتصادية اتحدى اى احد ان يخالفنى فيما اقول ..

1- زيادة عمليات اكتناز المصريين للدولار منذ اكثر من عام والتى تتجاوز حتى الآن ال 10 مليارات دولار وهو مستمر وفى ازدياد ومتوقع ان يتجاوز ال 15 مليار دولار خلال العام الحالى .. والاكتناز اما بهدف المضاربة وبيع الدولار مستقبلا بأسعار مرتفعة, واما بهدف التأمين للثروة فى حالة انهيار الجنيه وبالتالى هى وسيلة آمنة للكثيرين خاصة مع تجاوز نسبة تضخم الدولار نسبة اى فوائد بنكية سواء من شهادات او من حسابات او نسبة اى عائد من الاستثمار المباشر سواء فى اسهم وسندات او فى انشاء مشروعات جديدة او تدعيم رأس مال عامل حالى, واما بهدف الابتعاد عن الاجراءات الاحترازية التى يفرضها البنك المركزى والتى تعد قيود على عمليات السحب والايداع والتى تعتبر عائقا كبير.

2- هيستيريا طباعة الجنيه منذ عام ونصف من قبل النظام والتى تجاوزت حتى الآن ال 50 مليار جنيه وهو ما يزيد من عرض الجنيه بدون وجود اى معدل للتنمية يقابله وبدون اى غطاء دولارى او ذهبى فى البنك المركزى وبالتالى يقابل زيادة عرض الجنيه زيادة طلب على الدولار الذى انخفضت موارده الاساسية بشكل مرعب وهو ما سيؤدى الى زيادات خطيرة فى سعر الدولار.

3- ارتفاع تكلفة خدمة الدين الدولارى الخارجى (والذى يصل الى 46,1 مليار دولار) الى اكثر من 5,6 مليار دولار وستزداد كثيرا بعد شهادات بلادى الدولارية والتى ستعطى اكبر عائد على شهادات فى العالم والذى سيبلغ 3,5% لمدة عام و4,5% لمدة ثلاثة اعوام و5,5% لمدة خمسة اعوام فى حين ان اعلى عائد عالمى لا يتجاوز 2,1% لاقصى مدة زمنية, بمعنى ان تكلفة خدمة الدين الدولارى الخارجى سيتجاوز ال8 مليارات دولارفى العام وبالتالى احتياجات غير محدودة من الدولار لسد هذه التكلفة المهولة وهو ما سيؤثر على حجم الدولار بالانخفاض .

4- ارتفاع عجز الموازنة العامة والذى بلغ خلال 6 اشهر مضت 21.4 مليار دولار ومن المتوقع ان يرتفع العجز خلال الاشهر القادمة ليصل الى 43 مليار دولار الامر الذى سيدفع النظام اما الى تعويم الجنيه وبالتالى زيادات خرافية فى اسعار السلع قد تتجاوز ال 300% بكثير واما الاقتراض من الخارج بتكاليف غير مسبوقة عالميا وبالتالى انخفاضات جديدة وكبيرة فى الدولار.

5- توقف نشاط او تقليل نشاط او تغيير التعامل من الجنيه للدولار فى كثير من الشركات فى مصر بسبب نقص الدولار وعجز البنك المركزى عن سداد استحقاقاتها الدولارية مثل جنرال موتورز وإير فرانس-كيه.آل.إم و بريتش آير وايز الامر الذى يزيد من ضعف الثقة فى الاقتصاد المصرى وبالتالى هروب استثمارات تقدر ب 35% وانخفاض عائد الصادرات بنسبة 20% وانعدام الاستثمارات الخارجية الجديدة وهو ما يؤثر سلبا بشكل خطيرعلى ايرادات الدولار مستقبلا.

6- انخفاض عائدات الدولار من مصادره الرئيسية .. انخفاض عائدات السياحة بنسبة 52% من 6 مليار و140 مليون دولار الى 2 مليار و947 مليون دولار .. انخفاض عائدات قناة السويس بنسبة 5,3% من 5.465 مليار دولار الى 5.175 مليار دولار .. انخفاض عائدات الصادرات الغير بترولية بنسبة 20% خاصة وانها تعتمد بنحو 70% على مكوناتها من الخارج .. انخفاض عائدات المصريين بالخارج بنسبة 18% من 22.3 مليار دولار الى 18 مليار دولار ومن المتوقع زيادة الانخفاض بسبب عدم ثقتهم فى النظام المصرى وبسبب ممارساته تجاه التحويلات وبسبب وجود طرق تحويل بعيدة عن البنوك تحافظ على سعر الدولار وفقا للسوق السوداء.

7- انخفاض اسعار البترول حيث وصل سعر البرميل الى 30 دولار ومن المتوقع انخفاضات اخرى الامر الذى سيؤثر سلبا على استثمارات دول الخليج فى مصر كما سيؤثر سلبا على المنح التى تأتى منهم كما سيؤثر على الاستثمارات الاجنبية فى الاستكشاف واستخراج البترول والغاز.

8- ضغوط البنك الدولى وصندوق النقد الدولى لتحرير سعر صرف الدولار وهو ما سيؤدى حتما لارتفاعات جنونية فى سعر الدولار اذا حدث وستُظهر الحجم الحقيقى للجنيه المصرى المعدوم, واعلان البنك الدولى فى وثيقته الاخيرة الخاصة بإقراض مصر مليار دولار ان مصر سيكون لديها عجز دولارى لمدة 4 سنوات يقدر ب 48 مليار دولار.

9- ارتفاع عجز الميزان التجاري بنحو 10 مليارات دولار في الربع الأول من السنة المالية 2015-2016 وهو ما يؤكد ان محاولات خفض واردات مصر بالدولار الى اقل من 80 مليار دولار لازالت فاشلة وبالتالى احتياجات متزايدة من الدولار المفقود.

10- استمرار عمليات تمويل المشروعات المكلفة اقتصاديا قليلة الجدوى وتمويل شراء السلاح من السيولة الدولارية ومن القروض والاذونات قصيرة الاجل الامر الذى يدمر عملية دوران الدولار ويسبب عجز مباشر فى السيولة الدولارية تتسبب فى ارتفاع سعره وارتفاع تكلفة اقتراض الدولار لتوفير السلع الاساسية .

الخلاصة ان النظام نفسه بجهله وكبريائه هو السبب الرئيسى فى كل ما سبق وهو حتما ما سيؤدى لمعدلات تضخم خيالية لم تحدث فى مصر من قبل يترتب عليها ارتفاعات جنونية فى اسعار السلع الاساسية التى لا يستغنى عنها المواطن الفقير بنسب تتجاوز ال 300% .

على عبدالعزيز

اللينك 2

الدولارفى مصر هيوصل سعره ل 16 جنيه بعد تحرير سعر الصرف

ده ملخص وثيقة البنك الدولى الخاصة بإقراض مصر مليار دولار

ده غير زيادة إيرادات ضريبة الدخل على الشركات و المبيعات على السلع والخدمات من 5,4% من الناتج المحلي الإجمالي العام الماضي إلى 6.7%..

وخفض نسبة أجور موظفي الحكومة من 8.2 % في 2015 إلي 7.5% من الناتج المحلي الإجمالي في 2018 ..

وخفض دعم الطاقة من 6.6% من الناتج المحلي الإجمالي إلي 3.3% في 2016 علي أن تنخفض تدريجياً الى اقل من ذلك بحلول 2018 ..

وزيادة متوسط تعريفة الكهرباء على جميع فئات المستهلكين من 0.226 جنيه لكل كيلو وات في عام 2014 ليرتفع إلى 0.451 جنيهاً لكل كيلو وات بالساعة بحلول عام 2018 ..

يعنى توقعوا زيادات 80% فى اسعار البنزين والكهرباء

وتخفيض عجز الموازنة بنسبة تتراوح بين 3 و%4 خلال الأربع سنوات المقبلة.

يعنى مستويات خيالية فى الاسعار ممكن توصل 300% واكتر .. يعنى مفيش مكان للفقراء فى البلد .. تحيا مصر 13 مرة

*الناتج المحلى الاجمالى لمصر 286.5 مليار دولار

اللينك 3

عن ازمة الدولار .. (تحليل تغيرات سعر الدولار خلال 2017 و2018)

الخلاصة فى ازمة الدولار ان السيسى والنظام مهما عملوا مش هيحلوا الازمة لان وجودهم هو السبب الوحيد للازمة اساسا.

الدولار خرج من دايرة السوق الطبيعية لدايرة السوق الاستثنائية واللى مش بتكون الا وقت الحروب .. بمعنى تانى اغلب الناس تجار ومواطنين بالفعل فقدوا الثقة فى الجنيه المصرى وفى الاقتصاد المصرى كله وتعاملات معظم رجال الاعمال دلوقتى بالدولار ده غير ان اغلب المواطنين بقوا يامنوا نفسهم من هطل النظام بتخزين الدولار مش للمضاربة انما لتامين اللى فاضل من ثرواتهم ودلوقتى وانا بكلمكم رقم الدولارت المتخزنة وصل 15.5 مليار دولار وده رقم مش سهل ابدا وقابل للزيادة بشكل اكتر رعب لان الازمات الاقتصادية هتستمر لفترة طويلة وهتزيد اكتر من بداية النص التانى من 2017.

الحقيقة المرة ان عجز الموازنة العامة فى تزايد مستمر ومتوقع له ان يعدى ال 400 مليار جنيه مع ارتفاع الدين الخارجى ل 56 مليار دولار وزيادة اعباء خدمة الدين الخارجى السنوية ل 5.2 مليار دولار ومتوقع مع قرض صندوق النقد والمساعدات ارتفاع الدين واعبائه بنسبة 77% فى وقت انه السياحة مفيش والصادرات مفيش والتحويلات مفيش والمساعدات حسب حجم الانبطاح .. لكن الاصعب مرارة من كل ده ان السيسى ونظامه بيطبعوا الجنيه بالعبيط فى وقت انه مفيش واردات من الخارج ولا فيه انتاج فى الداخل وكله بسبب ندرة الدولار وارتفاع سعره ودى جريمة كبرى فى حق البلد يعنى كل ما يتزنق يطبع جنيه بدون اى مراعاة لحجم الدولار المنعدم ولاحجم النمو الاقتصادى المنعدم وده السبب اللى دفع هشام رامز للهروب من البنك المركزى واخر رقم لحجم الطباعة بدون غطاء 250 مليار جنيه .. بالبلدى دى سرقة علنى للشعب كله لانها دمرت القوة الشرائية للجنيه تماما واتسببت فى ارتفاع الاسعار على الفقراء بنسب زات عن ال 300 % والناس اللى معاها جنيه او ارصدة بالجنيه فى البنوك فى شكل شهادات وودائع وحسابات بجد الله يكون فى عونهم لان ثروتهم دمرها السيسى.

تقرير البنك المركزى عن ارتفاع الديون : لينك (1)

تقرير البنك المركزى عن حجم البنكنوت المتداول : لينك (2)

ازمة الدولار فى تزايد وارتفاع اسعار جميع السلع اساسية وغير اساسية اصبح كابوس بيواجه الشعب كله اما بسبب نسب التضخم العالية واما بسبب تطبيق شروط صندق النقد الدولى والشئ المرعب اكتر واكتر ان قرض صندوق النقد والمساعدات اللى جاية ما هى الا مسكنات وقتية هيزول مفعولها مع الوقت لان كل شئ بينهار فى البلد ومفيش اى امل ان السياحة ترجع او ان الصادرات تزيد او ان التحويلات تزيد والنقط دى شرحتها قبل كده ..

تقرير رويترز عن الانهيار الحالى للسوق : لينك (3)

هل هيستمر بقاء الجنيه فى السوق؟

فى الصورة المرفقة تحليلى للفترة من دلوقتى وحتى نهاية 2018 

1- خلال نوفمبر وديسمبر 2016 الدولار هيتراوح سعره بين ال 18 وال 20 جنيه وغالبا ده هيكون بسبب تاخر قرض صندوق النقد الدولى والمساعدات الخارجية الاخرى او عدم كفايتها بالاضافة الى انه هيكون تم تحديد السعر الرسمى للدولار ب 12 جنيه او اكتر.

2- من اواخر ديسمبر 2016 ويناير 2017 وحتى يونيو 2017 متوقع انخفاض الدولار ل 16 او 16.5 جنيه كرد فعل للمسكنات الى قولت عليها قرض صندوق النقد والمساعدات مع شوية شائعات مع اجراءات امنية كبيرة مع تقييد للسلع الغير اساسية لكن المسكن ده مش هيستمر كتير.

3- من يونيو 2017 وحتى ديسمبر 2017 هيبدأ السوق يولع تانى فى سعر الدولار وهيوصل وقتها ل 18 جنيه او اكتر شوية لنفس الاسباب وهى ارتفاع عجز الموازنة واتخفاض موارد الدولار وانتهاء مفعول المسكنات.

4- من ديسمبر 2017 وحتى يونيو 2018 هيكون الوضع شبيه بدلوقتى توترات وارتفاعات فى الاسعار بشكل عام وندرة فى الدولار ومع وصول الشريحة التالتة لقرض صندوق النقد هيستمر سعر الدولار على 18 جنيه او اكتر بقليل.

5- من يونيو 2018 وما بعد كده البلد هتشهد توترات سياسية وامنية وعسكرية غير مسبوقة مع غليان فى الشارع بسبب تدمير الاقتصاد المصرى وفى الوقت ده سعر الدولار هيرتفع من 18 جنيه ومكن يتجاوز ال 300 جنيه.

6- المؤكد انه مع انهيار الوضع فى مصر مع نهاية 2018 وما بعدها الجنيه المصرى مش هيستمر كتير ومصيره هيكون الالغاء تماما.

عموما زى ما توقعت قبل كده بان الدولار هيوصل ل 16 جنيه وهيزيد عن كده لان السيسى ونظامه معندهمش اى رؤية اقتصادية وبيتخبطوا على مستوى السياسات المالية والنقدية وان هدفهم عمل اى شئ يساعدهم فى البقاء على كرسى الحكم ولو على حساب حياة ال 90 مليون مصرى وللاسف جهلهم وطمعهم وفسادهم هيوصلونا لمصير اكتر قسوة من كده بكتير.

تحليلات سابقة لسعر الدولار والوضع الاقتصادى :لينك (4) .. لينك (5)

بشكل عام توقعوا خلال الفترة الجاية اجراءات حكومية اشد قسوة بخصوص الاسعار والمرتبات والدعم الخاص بالوقود والمياه والكهرباء وربنا يلطف بالجميع .

ونصيحة مفيش مانع ان تأمن ثروتك وفلوسك بالدولار لكن بلاش المضاربة بالدولار لانها شئ غير اخلاقى.

ملحوظة .. تم تحديث البوست بتاريخ 5 اغسطس 2017 بتغيير اللينكات المختصرة shortcut link المرفقة باللينكات المباشرة خوفا من حذف الفيس بوك للبوست زى ما عمل مع بوستات تانية وتم وضع اللينكات كلها فى كومنت.

اللينك 6

اسوأ حاجة تحطوا فيها فلوسكم هى الاستثمار العقارى فى مصر شقق واراضى ومحلات او تحسينات وتشطيبات جديدة وخصوصا فى محافظات المواجهة القاهرة والجيزة والقليوبية والشرقية والاسماعلية والسويس وبورسعيد وشمال سيناء وجنوب سيناء واسكندرية ومطروح والفيوم وبنى سويف واسيوط والوادى الجديد واللى نسبة الخطورة فيها مع نهايات 2018 وبدايات 2019 وما بعد ذلك بين ال 80% وال 100% .. الوضع ده هيستمر مش اقل من 8 سنين .. الارض بس هى اللى ممكن تفضل بعد السنين دى طبعا مع المخاطرة العالية واللى مؤكد هيكون سعرها بعد كده عالى .. باقى المحافظات وخصوصا محافظات الدلتا فيها خطورة طبعا لكن بنسبة اقل فى حدود 30% تقريبا وعائد اى استثمار عقارى فيها هيكون كبير سواء عائد دورى او عائد زيادة رأسمال سوقى زى ارتفاع اسعار الاراضى والشقق وزى الايجارات اللى هتكون مصدر دخل كبير وعالى لاصحابها خلال نفس المدة وبعدها وممكن يوصل ايجار الشقة الواحدة ل 50 الف جنيه واكتر شهريا بسبب انها مناطق آمنة للملايين وبسبب تدهور قيمة الجنيه اللى هيوصل وقتها قيمة الدولار الواحد ل 300 جنيه .. الدولار هو الوحيد القادر على حفظ قيمة فلوسكم خلال من 7 الى 8 سنين جايين بس .. بمعنى ان الاحتفاظ بالدولار سواء للمصريين دخل مصر او خارجها للمدة دى بس لانه هينهار تماما بعد كده .. وبعد الدولار طبعا الدهب حافظ للقيمة لكن مع مغامرة اعلى للمصريين داخل مصر عشان كده مش بانصح بالاحتفاظ بكميات كبيرة منه .. ملحوظة .. اقل سعر للدولار خلال الاسبوع التانى والتالت من ابريل الجاى.

انتوا مش مدركين لحجم صراع الدولة العميقة الامريكية مع الروس والصينيين والايرانيين .. ومش مدركين اننا بقينا فى الحلف التانى وعندنا قواعد عسكرية روسية ومحطة نووية روسية قريبة من شواطئ اوروبا .. ومش مدركين لحجم صراع المماليك بين اجهزة الدولة العسكرية والمخابراتية واللى نهايتها اغتيالات كبرى خلال شهور على نفس مستوى اغتيال السادات .. ومش مدركين لحجم المأساة فى سينا واللى هى نموذج بسيط من الطوفان اللى هيكون فى كل المحافظات بعد 2018 بسبب حالة الكراهية والانتقام اللى بين ملايين المصريين وبعضهم .. انتوا مش مدركين لحجم الخراب اللى عمله السيسى .. انتوا مش مدركين لحاجات كتيرة كانت واحدة منها او اتنين سبب فى سقوط سوريا والعراق واليمن وليبيا ودول تانية كتيرة .

استعدوا للحرب 1 : لينك (1)

استعدوا للحرب 2 : لينك (2)

استعدوا للحرب 3 : يتبع

بالمناسبة رغم ان الدولة العميقة الامريكية محجمة ترامب الا انه برده مش هيكمل عشان بس اللى حطين امل كبير عليه وممكن تاخدوا فكره من التحليل ده : لينك (3)

وبالمناسبة كمان ده تقرير الخارجية الامريكية عن حقوق الانسان فى مصر واللى اشار الى بشاعة ممارسات النظام ضد الشعب : لينك (4)

على الهامش .. قرض صندوق النقد الدولى مجاش عشان مصر فيها مستقبل وفيها اقتصاد كويس بالعكس صندوق النقد عارف كويس ان مصر بتنهار وفيه عشرات الشروط الخفية والمحظور نشرها واعتقد ان موضوع استقبال اللاجئين من اوروبا جزء من الشروط دى بالاضافة لشروط تانية موجودة هنا ظهر بعضها دلوقتى : لينك (5)

البلد بيحكمها فرعون مجنون بيعانى من انتفاخ ذاته ومفيش اى معايير علمية او وطنية او اخلاقية بتحكم تفكيره او قراراته واللى جاى بسببه على المصريين محصلش فى تاريخ مصر ولا هيحصل زيه ..

الجنرالات وكلابهم فى المؤسسات والاعلام طياراتهم جاهزة للهروب فى اى لحظة وانتوا اللى هتدفعوا التمن بين التهجير والجوع والوبا والموت .. فكروا فى كلامى الف مرة .. ومتثقوش فى حرامية استنزفوا خير البلد وخلوها ارض لحرب عالمية تالتة قربت جدا.

ملحوظة .. تم تحديث البوست بتاريخ 5 اغسطس 2017 بتغيير اللينكات المختصرة shortcut link المرفقة باللينكات المباشرة خوفا من حذف الفيس بوك للبوست زى ما عمل مع بوستات تانية وتم وضع اللينكات كلها فى كومنت.

اللينك 7

فيه حاجتين مهمين هيساهموا فى نزول سعر الدولار بداية من الاسبوع الاخير من مارس وخلال الاسابيع الاولى من ابريل وحتى النص التانى من مايو .. السعر هيكون عند مستوى ال 16 جنيه بانحراف زيادة او نقصان قروش

1- وصول الشريحة التانية من قرض البنك الدولى خلال ايام بقيمة مليار دولار من اجمالى قرض ال 3 مليار دولار وخلال ابريل هتبدأ مفاوضات النظام للحصول على الشريحة التالتة والاخيرة من نفس القرض بمليار دولار .. لينك (1)

2- زيارة بعثة صندوق النقد الدولى خلال الفترة من 28 ايريل وحتى 8 مايو لمراجعة شروط قرض ال 12 مليار دولار عشان الافراج عن الشريحة التانية بقيمة 1.25 مليار دولار خلال مايو 

لينك (2)

لينك (3)

النظام هيستغل الحاجتين دول دعائياً ونفسياً مع توجيهه للموجة التانية من نزول سعر الدولار ومع تغطية جزء اكبر من الاعتمادات المستندية المعطلة للمستوردين لتحفيز الغلابة على بيع اللى حيلتهم من الدولار وكمان عشان يظهر قدام بعثة صندوق النقد ان سعر الدولار بيخضع للعرض والطلب على غير الحقيقة وان السعر زى ما توقع الصندوق .. للاسف نظام موجات السعر دى مجرد طُعم بيعمله البنك المركزى ومعاه البنوك عشان يسحبوا اكبر قدر ممكن من الدولارات اللى مع الناس وهدف الموجة المرة دى سحب اكبر كمية من ال 17 مليار دولار اللى ممكن الناس يفرطوا فيهم مع العلم ان حصية البنوك من الدولار من ساعة التعويم الوهمى وصلت ل 15 مليار دولار .. لينك (4)

وزير المالية كمان امبارح قال ان سعر الدولار فى الموازنة الجديدة 2018/2017 هيكون 16 جنيه . لينك (5)

مفيش تعويم حصل للجنيه وكل اللى بيحصل ده لعب بهدف سرقة شقى عمر الناس وتغطية على فشل نظام اهبل اهدر فلوس الشعب واغلب الدولارات دى بيتهرب بره لحساب كبار رجال الاعمال والجنرالات واللى بيفضل المجنون بيرميهم فى التراب تحت مسمى مشاريع قومية .. معدل التضخم السنوى وصل ل 31.7% (على حسب كلامهم) والقوة الشرائية للجنيه اتدمرت مع ارتفاع سعر الدولار ومع قيود الاستيراد .. يعنى شقى عمر الناس راح فى الهوا ويا ريته بنتيجة والكل دلوقتى بقى بيعانى .. على سبيل المثال شركات كتيرة فى القطاع العقارى بتفلس دلوقتى بسبب اللعب فى سعر الصرف وعدم توفير الدولار ده غير الخساير اللى بمئات الملايين بسبب التعاقدات اللى تمت على 10 و15 سنة ولسه بيبنوها وبيشطبوها. (طبعا الافضل هو البعد عن شراء العقارات فى محافظات المواجهة)

وبالمناسبة أعلنت 5 من أكبر الخطوط الملاحية في العالم الانسحاب من العمل مع ميناء شرق بورسعيد بسبب ارتفاع رسوم الموانئ اللى وصلت ل 3 أضعاف الرسوم اللى بتفرضها الموانئ المنافسة في البحر المتوسط .. الخطوط اللى انسحبت هى خطين ملاحة يابانيين هما “نيبوني ياسان كايشا” و”مول” وخط ملاحة تايواني “يانج منج” وخط ملاحة كوري “كي لاين” والخط الملاحي “إيفر جرين” .. الخطوط دى بعد انسحابها اعلنت اتجاهها إلى موانئ أشدود الإسرائيلى، وبيريوس اليونانى.. لينك (6)

وبالمناسبة كمان قناة السويس خفضت رسوم المرور فى قناة السويس للمرة الرابعة خلال سنة 50% لمواجهة ضعف الاقبال على المرور من القناة بعد لجوء الشركات العالمية لرأس الرجاء الصالح ولمواجهة انسحاب شركات الملاحة من ميناء شرق بورسعيد لينك .. (7)

وجايزة اوسكار لافشل كذبة لازم تروح للجنرال اللى قال ان ايرادات القناة زات من 49 مليار جنيه الى 82 مليار جنيه والحقيقة ان ايرادات القناة اللى هى بالدولار مش بالجنيه انخفضت من 5.18 مليار دولار فى 2015 الى 4.1 مليار دولار فى 2016

ايرادات القناة بالتضليل : لينك (8)

انفوجرام للايرادات الحقيقية : لينك (9)

تقرير وهم زيادة الايرادات : لينك (10)

وده كان تعليقى وقتها : لينك (11)

كل حاجة فى البلد بتنهار ومتصدقوش امنجية الاقتصاد اللى بيطبلوا للنظام الاستبدادى الفاشل وتجارب الجنرال موجابى فى زيمبابوى والجنرال خورخى فى الارجنتين نماذج لاى حد عاوز يعرف احنا رايحين على فين.

لينك (12)

لينك (13)

وبالنسبة بقى للناس اللى عليها اقساط والتزامات فى يوليو واغسطس فاواخر يونيو واوائل يوليو هيكون سعر الدولار اعلى من ال 18 جنيه وممكن يوصل ل 19 او اعلى حاجة بسيطة.

تحليلات سابقة : لينك (14) 

لينك (15)

لينك (16)

لينك (17)

ملحوظة .. تم تحديث البوست بتاريخ 7 اغسطس 2017 بتغيير اللينكات المختصرة shortcut link المرفقة باللينكات المباشرة خوفا من حذف الفيس بوك للبوست زى ما عمل مع بوستات تانية وتم وضع اللينكات كلها فى كومنت.

اللينك 8

حسب رويترز وعلى لسان وزير المالية امبارح تم تخفيض الدولار الجمركى ل 16.5 جنيه .. 

لينك (1)

التخفيض مش عشان خاطر عيون المستوردين والمستهلكين لان الفرق كده عن سعر شراء الدولار فى البنوك بقى جنيه و60 قرش .. حسب كلام وزير المالية نفسه فى يناير اللى فات ان سعر الدولار الجمركى هيتم تثبيته حسب متوسط سعر الدولار المتوقع فى البنوك كل شهر

لينك (2)

لينك (3)

تخفيض سعر الدولار الجمركى ل 16.5 جنيه امبارح مع تحديد سعر الدولار فى الموازنة العامة ب 16 جنيه اول امبارح مع ثبات نسبى وانخفاض قروش للدولار باختلاف البنوك خلال الايام اللى فاتت مؤشر على تخفيض سعر صرف الدولار فى البنوك وبالتالى السوق السودة خلال الايام والاسابيع الجاية.. طبعا الانخفاض مش هيطول كتير.

تحديد سعر الدولار فى الموازنة الجديدة : لينك (4)

نزول سعر الدولار رسمى لو حصل هتكون لعبة نفسية لتحفيز الناس على البيع وعدم الاحتفاظ بالدولار وهتنعكس على السوق السودة طبعا لكن مش بنسبة كبيرة لكنها فرصة للناس اللى عاوزة تشترى وتأمن نفسها ل 7 سنين جايين.

* الدولار الجمركى هو سعر الدولار أمام الجنيه اللى بتستخدمه الجمارك لتحديد قيمة البضائع المستوردة لحساب الرسوم الجمركية بناء عليها .. وبيتم تحديده وفقا لسعر الدولار فى البنك المركزي والبنوك المصرية.

ملحوظة .. تم تحديث البوست بتاريخ 5 اغسطس 2017 بتغيير اللينكات المختصرة shortcut link المرفقة باللينكات المباشرة خوفا من حذف الفيس بوك للبوست زى ما عمل مع بوستات تانية وتم وضع اللينكات كلها فى كومنت.