كيفية التصدر في غوغل

سنتكلم اليوم عن كيفية التصدر في غوغل وأهم الخطوات لكي تصبح الرقم واحد في غوغل او على الاقل تصبح في الصفحة الاولى.

كيفية التصدر في غوغل بمسك الكلمات :

ودا شرح للمبتدئين الى معنودش إمكانية يستخدم ادوات مدفوعة

وهو تحديد الكلمات الي هنافس عليها وعايزين نبقي رقم واحد
هتدخل الموقع دا يا سيدي
https://keywordtool.io/google
وتحدد الدولة واللغة الى ناوي حضرتك تنافس فيها وتتصدر ان شاء الله
وطبعا تحدد جوجل مش حاجة تانية
طيب يا مؤمن ندخل بقا هنستخدمها إزاي ؟
لنفترض مثلا انك عايز تنافس على كلمة مصمم جرافيك!
هنكتبها في البحث بتاع الموقع بعد ما ضبطنا الفلتر بتاعنا حسب إحتياجتنا
هيطلع لينا مثلا كلمات مشابه كتير هنختار افضل 10 كلمات مثلا
وليكن من ضمنهم كلمة (مصمم جرافيك عن بعد)
هبتدي بقا اروح على جوجل أداة تخطيط الكلمات

https://ads.google.com/intl/ar_eg/home/tools/keyword-planner/

مسك الكلمات 

ونختار (الاطّلاع على حجم البحث والتوقّعات)
وهنا انا بشرح ليكم اداة مجانية من جوجل لكن في ادوات اكتر تتطور مدفوعة زي ahrefs مثلا
المهم نرجع لموضوعنا
بعد ما دخلنا (الاطّلاع على حجم البحث والتوقّعات)
هنلاقي بيقول ادخل الكلمات الرئيسية
نكتب الكلمات الى طلعناها والى كانت من ضمنها مصمم جرافيك عن بعد وندوس حفظ
هنلاقي ظهر لوحة فيها 3 خانات هنختار منها خانة (المقاييس القديمة)
ولو ناخد بالنا كدا هنلاقي شريط فوق فيه اكتر من خانة هنضبط منها المواقع الجغرفية بتاعنا مناطق بلاد او محافظات ونختار اللغة و شبكة البحث جوجل حسب احتياجتك
تمام حلو اوي كدا وصلنا للمرحلة الاخيرة
دلوقتي ظاهر قدمنا صندوق فيه 4 خانات
الكلمة الرئيسية الى هي الكلمة بتاعتنا

تصدر نتائج محركات البحث

نسبة البحث الشهرية
و حجم المنافسة وهنا ممكن تلاقي منخفضة او متوسطة او عالية
واخر خانة هي عدد المنافسين او بمعني اخر المزايدة الإعلانية
بعد ما تشوف كدا دا انت كدا تقدر تحدد الكلمات الى هتشتغل عليها وانت عارف ومتقن وعلى علم بحجم المنافسة و والمنافسين وتقدر تشوفهم من خلال جوجل البحث عمتا لو بحثت عن الكلمات الى هتنافس عليها
تمام يا سيدي دي كدا طريقة سهلة جدا للـKeywords research
اتمني تكون الطريقة سهلة بس علشان لقيت في ناس بتسأل عنها كتير ف حبيت اوضح طريقة سهلة وبإدوات مجانية